الاثنين، ديسمبر 18، 2006

is ther a man in the house?





بعد كل التصاريح النارية,و الضرب المتبادل و تضييع الوقت على غير معنى
استقال السنعوسى,شنو استفدنا؟
و لا شى
مجرد انتصارات شخصية للنواب

وعلم ان رئيس مجلس الامة جاسم الخرافي والذي ابلغ امس رسميا باستقالة السنعوسي وقبولها، انه لن يسمح بفتح النقاش أو التعليق على القرار والذي اعتبرته الكتل النيابية الثلاث «نجاحا لها بعد ان حقق ثماره دون حتى مناقشة».

أكو نائب شواربة على ريال؟
ممكن يقدم استجواب لوزير الداخلية؟
او الصحة؟

الكل يبحث عن انتصار شخصى
ما لقيتوا الا وزارة الاعلام...من زينها عاد
اذاعة محد يسمعها وتلفزيون محد يشوفة




تضييع وقت ,نوابنا مثل واحد عمرة 16 سنة و عطيتة سيارة سبورت
شنو اول شى يسويه؟
يروح مواقف الفرع يستعرض

مثل نوابنا مع الاستجوابات

لو انا من السنعوسى
اطلب يسون لى لعبة أم الحصن
بس بدال الحصن أحط أشكال نوابنا



هناك 6 تعليقات:

Diver يقول...

بومريوم اذا تبي الصج تعبنا من هلحجي كل يوم استجواب و تهديد و ماكو تطوير و البلد قاعده تدهور

على نظرية استجواب الوزرة لشيوخ انا اذكر استجواب سعود الناصر قبل بس الحين النواب صارو خوارة من يشوفون شيخ مويبطلون عن لستجواب لا حتى ما ينتقدون الوزارة الي اهو فيها

و اخيرا اليوم بالجرايد و ليد الطبطبائي يقول يبي يستجوب و زير الصحة

Alia يقول...

خل يفكوننا عيل ويحطون وزير الإعلام الياي شيخ .. عشام ما يقربون منه الجماعة .. بس مو يردون الأولي

ولعبة ام الحصن
LOL

kila ma6goog يقول...

مثل ما قلت يا بو مريوم

انتصارات على ورق و تفريغ شحنات انتخابية لا اكثر و لا اقل

طبعا انا ما كنت مع السنعوسي بس على قولتك ما فرقت

بس اختلف معاك على قصة اذاعة محد يسمعها, انا واحد من الناس أوقت طلعتي و دشتي البيت على برامج الاذاعة الأولى و الثانية

:)

شرقاوي يقول...

صبحك الله بالخير،

انحلت المشكلة، على ما أعتقد...

mishari يقول...

اول شى هذا اول تعليق يمكن لى عندك واهنيك الصراحة

بس يا بو مريوم السالفة واضحة
اذا بغوا يحيدون الانظار عن الوزارات اللى فيها تبربس حطو وزير مطقاقة بالاعلام لانهم يدرون انها مستهدفة مع التربية
واذا ما بغوا حطوا شيخ وخلصنا
وشوف الحين الوزير الياى وشنو راح يسوى
ديرة بربس

القطوة اللى حاطها لو مبدلها بقطو سكيك احسن :)

neelaah يقول...

اضم صوتي حق عاليه
و اقول

انا لو من رئيس الوزراء
اقلب الوزارات كلها شيوخ
لأنه محد يقرب منهم
والنواب لو مهما ادعوا الديمقراطيه
يخافون يحطون شيخ على المنصه

و الله الواحد ما يدري يتحسر على المجلس و الا على الحكومه