الثلاثاء، ديسمبر 01، 2009

الخطوات العشر السهلة..حتى لاتصبح مدون دعلة



لانى مدون دعلة...سامتنع عن التدوين اليوم

لانى ابى اشلخ العالم و ما ابى احد ينتقدنى...سامتنع عن التدوين اليوم

لان كل اللى اكتبه صحيح و مايخرش المية...سامتنع عن التدوين اليوم

لانى حر فيما أكتبة و غيرى ياكل تبن اذا انتقدنى سامتنع عن التدوين اليوم

اليوم سستوقف الحياة السياسية و الاجتماعية بالكويت...بس لانى ما راح ادون





هناك 14 تعليقًا:

غير معرف يقول...

يشهد علي الله... إني مادري شسالفة!

للحين مادري اي مدونات وصلها تهديد...
ولا لاحظت أي مدون إنسحب!

ممكن أحد يعلمني شسالفة؟

طز بالرجالة يقول...

سستوقف الحياة السياسية و الاجتماعية بالكويت...بس لانى ما راح ادون

و الله انت رهيب...يبتها على الجرح

لعبها الاخ صح..صار له دهر يبي يصير بطل و ممثل للامة التدوينية

esetch يقول...

آنه محد هددني

وسأمتنع عن التدوين تضامناً معاك

ARTFUL يقول...

تعال اخيي مو قلت تبي قوقول ويف؟

عطني ايميلك :)

بس بربع ودزلي الربع على البريد

violinist_q8 يقول...

ناس تسب الحكومه و لا تعطي اي احترام لاي شخص كان صغير والا كبير متاكدين من صحة معلوماتهم او لا مسوين روحهم بياعه ومحد هامهم لما صارت الصجيه دقت سبايكهم ومايبون يتحاسبون صج غريبه . مقالة فرناس حلوه بهالخصوص .

عندي لك وزار اندونيسي تقليد درجه اولى على هالموضوع تسلم ايدك

بومريوم يقول...

دختر بلو
هذا لانك مو دعلة:)
و انا واحد من اللى وصلنى تهديد من راعى الكانتين

طز
شكرا..:)

اس اتش
انت محد يقدر يهددك...لان عندك بنتلى

آرت فل
انا اوزع مو ابى:)

فايلونست
اصلا بعض الناس يبون يتهددون..عان يصيرون شهداء الحرية التدوينية

تهديد باللجوء للقضاء..القضااااااااااء

وين الوزار؟

mtfa2el يقول...

انا صارلي سنة و شي مصكر مدونتي محد درى عني
:p

اخت اشليويح يقول...

شوف لنهم تضامنوا معاه جددوا حبسة لي الخميس :((

ترى انا كتبت 10 مقالات اسب و انتكلم عن النظام و الحفاظ على المال العالم ... و لازم ضروري ما تتكلمون عن ماضيي الوضيع و الوضخ .. لان المعزب اليديد يجب اعمال المعزب القديم :p

Mohammad Al-Yousifi يقول...

طلع ويه اللي يمك

'lsdjgsk'eljr يقول...

متضامنين...!!

محد له الحق انه يسكت أحد ^_^

Engineer A يقول...

أنا مدونه دعله بس في بداياتي .. للحين مادروا عن هوى داري!

:)

Maximilian يقول...

لووول

هذا اللي يمك ليل الين؟

LiL ALiEN يقول...

انا ممتنع من التدوين من الثلاثاء مال السنة اللي طافت

تدري الايلينز سابقينكم بالوقت

Q80-ChillGirl يقول...

علي النعمة كلام جدعان!

مشكلتنا مجتمع ذاكرته قصيرة و مايربط الاحداث، و عاطفي لدرجة العبط .. بالنهاية وين بيوصل؟