الجمعة، مايو 02، 2008

ٍviva La khaish


عشان لا يصير مجلس أعيان لا تنتخبون:
-وكيل شل
-وكيل بى بى

-المقاول الفاحش الثراء
-تاجر التجزئة اللى ما عندة رحمة هدم البلد و بناها مرة ثانية


-بائع القهوة اللى بيخدر البلد

-شيخ القبيلة و اللى يمثلة
-زعيم الطائفة و رئيسها

-اللى صوتوا ضد المرأة و اللحين حريمهم معاهم بالندوات"هذى نطت عرض معلش"
-كل اللى بيدش المجلس بفلوسة عشان يكمل عقد الوجاهة الاجتماعية


لا لسطوة التجار و أصحاب المصالح على المجلس

يحيا الخيشيين

يحيا الخيشيين

يحيا الخيشيين




هناك 22 تعليقًا:

غير معرف يقول...

viva la
خيشيين

Bad-Ran يقول...

انا مخملي

EXzombie يقول...

المفروض تكتب فيفا لا كاش

بعد ما بعتنا و انقلبت على تحالف السادسة.....!!!؟

الشهرة غرتك، و الحكوكة تنطرك، و التشريب الحين قام ينباع مثل السوشي، و بالكيلو، و يقال بأن كيلو التشريب وصل 70 دينار، و قوطي الثريد 3 دنانير......!!!؟

منو فينا المخملي الحين.....؟!؟

esetch يقول...

مثل ما كتب إكسزومبي

خلاص كل شي وضح وبين أثاريك مـخملي معتق وقاص علينا

Mohammad Al-Yousifi يقول...

انا ضد سيطرة التجار او المخمليين حسب التسمية الرسمية على المجلس

و لكن خل نفكر مرة أخرى بطرح الخيشيين؟

شنو اطروحاتهم؟

متفرغ يقول...

فيفا لا خيش اند تشريب او (ثريد عندنا فالبحرين) :)

بومريوم يقول...

nychick
Viva la tashreeb

bad-ran
أدرى فيك...مخملى تكرة الخيشيين و تاكل التشريب بملعقة من ذهب

اكزومبى
انا قايل لك من زمان
انا رفيجى النوط:)

اس اتش
الكل استفاد من هالانتخابات...انا بعد وياهم:)

مطقوق
سؤالك ملغوم لوضعى فى خانة عدم الفهم:)
بس معلش
المسالة أكبر من مسألة طرح...المسالة مسالة مواقف و تعديل اتجاهات القوانين الحكومية لتصب فى خانة التجار..
و اكبر دليل مناقشات حقول الشمل و الاستذباح من بعض الناس عليها

و استجواب الجراح اللى نصبتولة المشانق لانة قال كلمة بالجريدة بس السبب الفعلى هو نية الجراح تنظيف القطاع النفطى من الديناصورات المعششة فية


متفرغ
فيفا لا حلوى شويطر
:)

Mother Courage يقول...

بو مريوم

آنا لا مع الخيشييين و لا المخمليين .. اللي بالوسط شسمهم؟

بوصالح يقول...

من نصوت له بالدائرة الثانية؟

J Daily يقول...

عالأقل المخملين لي فازوا باقوا عالخفيف
اما الخيشين من اول مايدش يبي يلهط
حتى مطارة القهوة إلي يحطونها جدامة ياخذها للبيت d-;

شرقاوي يقول...

بو مريوم،

نسبة لا بأس فيها من قراء مدونتك من المخمليين.

12% يتناولون أكتيفيا بعد الغدا و 18% بيجاماتهم حرير.

مجرد لفت نظر

Maximilian يقول...

انا بصوت حق الل سووا تابين

عادي ????


لول

wakee7 يقول...

ماذر كوريج

بين الخيشيين والمخمليين يصيرون البوكريشيين
:)

mtfa2el يقول...

المشكلة يا بو مريوم
انه ربعنا الخيشيين من يدشون المجلس ينسونا و ينسون الثقافة الخيشية و يبدون يسوون روحهم مخمليين
نبي خيشي متمسك بالخيشية حتى الموت

JuVeNTiNa يقول...

أنا معاك 100%

والله قاعديين يطالبون بأشياء جنه صج يعانوون .. لا لا لا للتجار بالمجلس
التجار مكانهم بمكاتبهم و شركاتهم

Diver يقول...

احنا كلنا معاك يابومريوم
بس احنا نكتب وهم يغلون حليب اليهال
احنا نتكلم و خيشة العيش صارت دبل
شلحل
الظاهر ماكو الا نسوي ثورة حمراء
شرايك

KQ8 يقول...

كداب يا خيشة

بومريوم يقول...

بوصالح
وايد ناس زينيين بالثانية..
طيبة بالثانية مو؟
صوت مقطوع

يعقوبوو
لا تشوة سمعة الخيشيين...
احنا ما نبوق...ناخذ دهان سير بس

العزيز شرقاوى
تصدق عيزت و انا احاول اعرف واحد من هالمخمليين عشان يصير رفيجى
ماكو فايدة
حتى تعليق ما يعلقون

maximillian
أدرى فيك تسويها:)
لا و يمكن ان احد منظمي التأبين

متفائل
عطونى فرصة و انا اوريكم

JuVeNTiNa
المشكلة يبى يزيدون تجارتهم..و يبى يحرقونا زوود

دايفر
عندي خوش حل و الله عشان نحرقهم
بس منو يصمل معاى

كركوتا
لازلت على العهد و الوعد
خيشى الى الابد

Mother Courage يقول...

بومريوم ليش حقرتني يا حافظ .. الا عشانك أمنت بعطيك صوتي كشت فيني؟

Diver يقول...

تبي صملة لآمر ترى صاحبك بياع

بومريوم يقول...

mouther courge
سقط سهواً


diver
نبى نسوى مقاطعة مركزة...
نقاطع شى واحد لمدة يوم واحد

Diver يقول...

فوقة